Мінулыя выхадныя сталі адметнымі для экіпажа збожжаўборачнага камбайна Дзмітрыя і Уладзіслава Рымашэўскіх з сельгасфімліяла “Дрычын. Яны далучыліся да радоў камбайнераў –тысячнікаў Пухавіцкага раёна.Павіншаваць іх з гэтай падзеяй на поле прыехалі старшыня Пухавіцкага раённага аб’яднання арганізацый прафсаюзаў Людміла Гулякевіч і старшыня пярвічнай прафсаюзнай арганізацыі гаспадаркі Кацярына Сянько.
Л.Гулякевіч, Д. Рымашэўск, У. Рымашэўскі, К.Сянько
Пад вечар у нядзелю прайшоў невялікі дожджык і некалькі камбайнаў стаялі на ўскрайку поля: механізатары чакалі пакуль сонца і вецер падсушаць зерневыя культуры. Гэты час якраз і скарысталі каб павіншаваць экіпаж з працоўнай перамогай, уручыць падарункі і пагаварыць з механізатарамі.
Ганаровую грамату і падарунак у гэты дзень атрымаў і аператар зернесушыльнага комплекса Дзмітрый Чаўнакоў.
Л. Гулякевіч, Д. Чаўнакоў, К.Сянько
Завіталі мы і на зернеток. Яго загадчыца Таццяна Васільева абрадавалася падарунку, які ўручыла Кацярына Сянько. Мікрахвалевая печ для калектыву гэтага ўчастка карысная рэч. Работа на зернетаку ідзе ў дзве змены. Працуюць 8 чалавек, з іх – пяцёра жыхары Столінскага раёна. Вядзецца закладка зерня на захоўванне, таксама падрыхтоўка насення. Таццяна Міхайлаўна расказала, што 35 тон азімай пшаніцы ўжо падрыхтавалі, прыступілі да трыцікале.
У выхадныя ўборку азімых культур у гаспадарцы закончылі, зараз убіраюсь яравыя . На палетках працуе і сеялка. Вядзецца сяўба рапсу, а гэта ўжо клопат пра ўраджай наступнага года.
