Акцыя «Нашы дзеці» прайшла ў Рудзенскай спецыяльнай школе-інтэрнаце.
У госці да выхаванцаў прыехалі намеснік Прэм'ер-міністра Рэспублікі Беларусь Ігар Петрышэнка, намеснік Міністра адукацыі Рэспублікі Беларусь Аляксандр Кадлубай і начальнік галоўнага ўпраўлення па адукацыі Мінаблвыканкама Мікалай Башко.
Для ганаровых гасцей дырэктар школы-інтэрната Наталля Дзiроўская правяла экскурсію, расказала аб матэрыяльна-тэхнічным забеспячэнні ўстановы адукацыі.
У актавай зале ўстановы прайшла святочная праграма. Ігар Петрышэнка павіншаваў хлопчыкаў і дзяўчынак і педагогаў з надыходзячым Новым Годам і Калядамі:
— Хочацца пажадаць вам здароўі, шчасці, дабрабыту, упэўнена крочыце па жыцці, і паверце ў тое, што з кожным днём наша жыццё будзе станавіцца ўсё лепш і прыгажэй.
Ігар Віктаравіч падкрэсліў, што энергетыка, якая зыходзіць ад дзяцей, насычае дарослых, і настаўляе на тое, каб мы, дарослыя, яшчэ больш рабілі добрых спраў для ўтульнасці, бяспекі дзяцей. Дзяржава робіць усё для камфорту дзяцей і ў школах, і ў дзіцячых садах, і ў спецыялізаваных школах. Важна, каб ні адно дзіця не было абдзелена ўвагай і клопатам.
І тут, безумоўна, не абышлося без падарункаў! Намеснік Прэм'ер-міністра ўручыў дырэктару школы-інтэрната сертыфікат на куплю абсталявання для арганізацыі музычных заняткаў і развіцця творчых здольнасцей вучняў, а хлопчыкі і дзяўчынкі атрымалі салодкія падарункі.
Завяршылася свята традыцыйным карагодам вакол навагодняй ёлкі.
Святлана ЛАБКОВІЧ
