У свеце 9 снежня адзначаецца Міжнародны дзень памяці ахвяр генацыду. У нашым раёне мітынг-рэквіем, прысвечаны гэтай даце, прайшоў ва ўрочышчы Папова Горка, дзе ў верасні 1941 года ад рук фашысцкіх карнікаў загінула 1260 мірных жыхароў.
Аб генацыдзе беларускага народа, трагедыі, якая адбылася на Паповай Горцы, гаварылі старшыня раённага Савета дэпутатаў Марыя Клімовіч, памочнік пракурора Яўгенія Пінчук, старшыня Блонскага сельвыканкама Алена Гнядзько, навучэнка Мар’інагорскага аграрна-тэхнічнага каледжа Наталля Іванчык.
Прадстаўнікі ўлады, грамадскіх арганізацый, моладзі ўсклалі кветкі на брацкую магілу і ўшанавалі памяць ахвяр генацыду хвілінай маўчання.
У рамках праекта Беларускага рэспубліканскага саюза моладзі «Лічбавая зорка»-«Захаваем гісторыю разам»брацкай магіле на Паповай Горцы прысвоены ўнікальны QR-код, праз які ажыццяўляецца пераход на старонку сайта «Лічбавая зорка». Ён адлюстраваны на спецыяльнай таблічцы, адкрыццё якой прайшло падчас мітынгу-рэквіему. Памяць жыве і будзе жыць.
Наталля ПАРХОМЧЫК.
