23 лістапада ў ДУА «Мар'інагорскі дзяржаўны ордэна Знак Пашаны аграрна-тэхнічны каледж ім. У. Е. Лабанка» адбылася сустрэча з прадстаўнікамі палітычнай партыі «Белая Русь». Старшыня Пухавіцкага раённага аддзялення партыі «Белая Русь» Таццяна Прысяжнюк распавяла навучэнцам і прадстаўнікам працоўнага калектыву аб мэтах і задачах партыі, а таксама аб тым, чаму важна ўдзельнічаць у палітычным жыцці краіны.
- Беларуская партыя «Белая Русь» з'яўляецца палітычным аб'яднаннем беларусаў, незалежна ад іх узросту, прафесіі, сацыяльнага статусу, — адзначыла Таццяна.
Пра перспектывы і магчымасці маладога пакалення, якое вядзе ўсвядомленае палітычнае жыццё, расказала галоўны спецыяліст аддзела ідэалагічнай работы, культуры і па справах моладзі Пухавіцкага райвыканкама Наталля Русаковіч.
- Моладзь - наша будучыня! Ваша ўсвядомленая грамадзянская пазіцыя - гарант росквіту нашай дзяржавы - падсумаваў дырэктар каледжа Сяргей Сасковец.