Да пытання эвакуацыі з дваровых тэрыторый кінутых аўтамабіляў вярнуўся на нарадзе ў раённым выканаўчым камітэце старшыня райвыканкама Андрэй Атрушкевіч.
Як паведаміў начальнік аддзела ДАІ Пухавіцкага РАУС Аляксандр Дзятлёнак, да цяперашняга часу 9 сельвыканкамаў падалі інфармацыю аб кінутых аўтамабілях. Ужо могуць быць эвакуяваны 6 кінутых аўтамабіляў на тэрыторыі Свіслацкага сельсавета і 3 аўтамабілі ў Мар'інай Горцы. Інфармацыя пра гэта прадастаўлена ва УП «Жылцепласэрвіс» КХ.
Андрэй Атрушкевіч даручыў у бліжэйшы час завяршыць працу па ачыстцы двароў ад аўтахламу.