У ДУА «Рудзенская спецыяльная школа-інтэрнат» адбылася ўрачыстая цырымонія адкрыцця спартыўнай пляцоўкі для гульні ў бачэ ў рамках сумесных мерапрыемстваў Прэзідэнцкага спартыўнага клуба і Беларускага камітэта Спешыал Алімпікс.
Прысутнічалі ганаровыя госці: Ягораў Павел Юр'евіч, памочнік старшыні Прэзідэнцкага спартыўнага клуба па спорце; Вялічка Вячаслаў Адамовіч, галоўны спецыяліст сектара інфармацыі і грамадскіх сувязяў Прэзідэнцкага спартыўнага клуба; Таболіна Ларыса Віктараўна, выканаўчы дырэктар грамадскага аб'яднання «Беларускі камітэт Спешыал Алімпікс», Тамукевіч Вольга Тадэвушаўна, дырэктар па развіцці грамадскага аб'яднання «Беларускі камітэт Спешыал Алімпікс»; Атрушкевіч Андрэй Міхайлавіч, старшыня Пухавіцкага раённага выканаўчага камітэта; Вінаград Сяргей Міхайлавіч, начальнік упраўлення па адукацыі, спорце і турызме Пухавіцкага РВК.
У рамках мерапрыемства прайшоў майстар-клас па бачэ для спартсменаў. Спадзяемся, што спартыўная пляцоўка дасць старт новым дасягненням і перамогам нашых спартсменаў!