50 гадоў – для гісторыі ўсяго толькі імгненне, а для многіх пакаленняў выпускнікоў ветэранаў працы і цяперашніх выхавальнікаў – гэта незабыўная падзея, якая дорыць выдатныя ўспаміны пра яркія будні і адкрывае новыя старонкі творчай дзейнасці.
За гады свайго існавання наш дзіцячы сад прайшоў доўгі шлях не толькі станаўлення, але і назапашвання педагагічнага вопыту, павышэння якасці працы, творчага пошуку, паляпшэння матэрыяльна-тэхнічнай базы.
Прыгожа аздобленая зала была поўная гасцей. Ганаровымі гасцямі былі: старшыня Пухавіцкай раённай арганізацыі Беларускага прафсаюза работнікаў адукацыі і навукі Шавель Таццяна Іванаўна, начальнік аддзела адукацыі, спорту і турызму Пухавіцкага раёна Вiнаград Сяргей Міхайлавіч, Багдановіч Наталля Міхайлаўна галоўны спецыяліст па кадрах аддзела адукацыі спорту і турызму Пухавіцкага раёна, старшыня РГА «Белая Русь» Пухавіцкага раёна Кітаева Юлія Аляксандраўна і, вядома ж, ветэраны працы, якія прапрацавалі ў нашай дашкольнай установе да пенсіі.
Госці віншавалі калектыў дзіцячага садка, дарылі падарункі. У адрас юбіляра гучалі цёплыя словы віншаванняў і падзякі за працу людзям, якія працуюць у дадзенай дашкольнай установе.
Вітала ўсіх гасцей свята цяперашняя загадчыца - маладая, энергічная, поўная энтузіязму Дрэнь Таццяна Аляксандраўна. Дзеці чыталі вершы, выконвалі песні і зачароўвалі сваімі танцамі.
Мы дзякуем усім нашым гасцям за цёплыя словы і падарункі! Жадаем нашаму дзіцячаму саду творчых поспехаў, натхнення і працвітання!
Марына Падвінская, музычны кіраўнік
