Вынікі сацыяльна-эканамічнага развіцця раёна за дзевяць месяцаў падвялі на пасяджэнні раённага выканаўчага камітэта ў мінулую пятніцу.
За названы перыяд бягучага года выраблена прамысловай прадукцыі на суму 1 мільярд рублёў. Тэмп росту да адпаведнага перыяду 2022 года склаў 116,7 працэнта.
За студзень-верасень сукупныя паступленні даходаў у бюджэт раёна склаў 151,4 працэнта да адпаведнага перыяду мінулага года.
На развіццё эканомікі і сацыяльнай сферы раёна за студзень-верасень бягучага года выкарыстана інвестыцый на суму 253 мільёны рублёў, або 62,2 працэнта да аналагічнага перыяду 2022 года пры прагнозе 115 працэнтаў.
Удзельная вага раёна ў інвестыцыях вобласці складае 5 працэнтаў.
Пра гэтыя і іншыя паказчыкі распавяла намеснік старшыні райвыканкама Наталля Літвінчук.
У пасяджэнні райвыканкама прымалі ўдзел першы намеснік Міністра антыманапольнага рэгулявання і гандлю Рэспублікі Беларусь Іван Вежнавец, намеснік начальніка Мінскага абласнога ўпраўлення па наглядзе за рацыянальным выкарыстаннем паліўна-энергетычных рэсурсаў Дзмітрый Шнец.
Наталля ПАРХОМЧЫК.