У працы органаў улады з грамадзянамі самае галоўнае - не зачарсцвець да праблем простага чалавека. Аб гэтым заявіў кіраўнік Адміністрацыі Прэзідэнта Ігар Сергеенка, перадае карэспандэнт БЕЛТА.
Кіраўнік Адміністрацыі Прэзідэнта ў час рабочай паездкі ў Пухавіцкі раён Мінскай вобласці прыняў удзел у пасяджэнні Пухавіцкага райвыканкама. На пасяджэнні разглядалася пытанне аб выніках работы па выкананні дырэктывы Прэзідэнта «Аб дэбюракратызацыі дзяржаўнага апарату і павышэнні якасці забеспячэння жыццядзейнасці насельніцтва» за першае паўгоддзе.
«У працы са зваротамі грамадзян самае галоўнае - не стаць «абыякавымі», як кажуць у народзе, і не зачарсцвець да праблем простага чалавека. Бо праблемы будуць назапашвацца і назапашвацца. Я думаю, што гэта самая вялікая небяспека для ўсіх нас», - лічыць Ігар Сяргеенка.
Разам з тым, адзначыў кіраўнік Адміністрацыі Прэзідэнта, не трэба дапускаць і ўтрыманства. «Вырашаючы сур'ёзныя праблемы, мы часам, дзе трэба і не трэба, песцім грамадзян. І з'яўляецца праблема ўтрыманства. Таму трэба выдзяляць больш сур'ёзныя праблемы, для вырашэння якіх сапраўды патрэбна дапамога дзяржавы», - падкрэсліў ён.