Паказы прымеркаваны да дзяржаўнага свята Дзень народнага адзінства, як паведаміў тэлеграм-канал Міністэрства культуры Рэспублікі Беларусь. У Мар'інай Горцы стужка ўжо дэманструецца ў кінатэатры «Кастрычнік».
Фільм «На другім беразе» ад студыі «Беларусьфільм» распавядае гледачу пра жыццё ў Заходняй Беларусі, далучанай Рыжскім мірным дагаворам да Польшчы. Дзеянні кінастужкі разгортваюцца ў 1925 годзе ля мяжы Заходняй Беларусі і БССР, дзе пражывае галоўны герой фільма Павел разам са сваёй маці. Павел назірае, як польская ўлада імкнецца асіміляваць беларусаў, выкараніць мову, культуру і веру, але спачатку займае нейтральную пазіцыю да таго, што адбываецца ў адрозненнi ад старэйшага брата Антона, які змагаецца з польскімі захопнікамі.
Хваляванні, партызанская вайна, жорсткае падаўленне любых спроб захаваць нацыянальную ідэнтычнасць — усё гэта праз гісторыю галоўнага героя трэба будзе ўбачыць гледачу.
Кінастужка знята ў лепшых традыцыях беларускага кіно, шчырага па творчым поглядзе, зразумелым па сэнсе і спосабу кінавылажэння. У фільме ёсць усё, што блізка кожнаму чалавеку: боль ад страты блізкіх, умацаванне веры ў справядлівасць, калі страчана надзея, здабыццё сэнсу жыцця, калі прыходзіць каханне.
Здымкі карціны праходзілі адразу на трох беларускіх рэчках - Іслачы, Заранцы і Нёмане. З іх дапамогай ствараецца адзіны вобраз ракі, міжволі падзяліўшай адну краіну на два берагі.
Цікава паказаны Ракаў - у 1920-я гады ён быў адным з сусветных кантрабандысцкіх цэнтраў. У розных вобразах паўстануць сядзіба ў Лошыцкім парку, Заслаўе і іншыя звыклыя нам лакацыі.
