З пачаткам лета ў арганізацыях нашага раёна прыступілі да працы студэнцкія атрады. Многія хлопцы выказалі жаданне з карысцю правесці вольныя ад вучобы дні і зарабіць грошы.
У першыя дні чэрвеня запрацавалі два студатрады — педагагічны “Фантазія” ў аздараўленчым лагеры “Лясная казка” і экалагічны “Гарызонт” ва ўнітарным прадпрыемстве “Жылцепласэрвіс” КХ. Як паведаміла першы сакратар раённага камітэта БРСМ Аляксандра Стош, на працягу працоўнага лета будуць працаваць таксама атрады ў Пухавіцкім лясгасе, ААТ "Рудзенск", ААТ "Ананічы", ГУП "Пухавіцкае ПМС".
Для аказання практычнай і метадычнай дапамогі ажыццяўляецца маніторынг выканання заканадаўства ў дачыненні да асоб, якія працаўладкаваны ў студэнцкіх атрадах. Мабільная група з удзелам прадстаўніка дэпартамента дзяржаўнай інспекцыі працы Крысціны Сакулевіч наведала УП "Жылцепласэрвіс" КХ і пазнаёміліся з умовамі працы на прадпрыемстве.
Як адзначыла галоўны спецыяліст аддзела працоўных адносін упраўлення па працы, занятасці і сацыяльнай абароне насельніцтва райвыканкама Анастасія Салавей, асаблівая ўвага ў летні перыяд звернута на арганізацыі, якія працаўладкоўваюць дзяцей ва ўзросце да 18 гадоў.
— У рабят асаблівы рэжым працы. У нас няшмат арганізацый, якія працаўладкоўваюць дзяцей з 14-гадовага ўзросту. УП “Жылцепласэрвіс” КХ — адно з іх.
Усе студэнцкія атрады, якія ствараюцца, кантралююцца мабільнай групай, — кажа Анастасія Салавей. — Мы правяраем заключэнне працоўных дамоў, згоду бацькоў, наяўнасць медыцынскай даведкі, правядзенне інструктажу, глядзім, каб былі пратаколы праверкі ведаў, карткі выдачы сродкаў індывідуальнай абароны. Калі знаходзім нейкія парушэнні, то даем рэкамендацыі для ўхілення.
У ЖКГ летась бралі на працу тры студатрады. Тут ужо ўсё добра адладжана. Заўваг у нас няма. У ЖКГ ёсць сектар аховы працы. Яго ўзначальвае Уладзімір Іванчанка — вельмі дасведчаны адмысловец, які не першы год займаецца афармленнем студэнцкіх атрадаў і ведае ўсе нюансы. Так, дзеці ў арганізацыі — гэта заўсёды складаны працэс, але, тым не менш, недзе яны павінны атрымліваць свой першы працоўны вопыт.
У аздараўленчым лагеры “Лясная казка” працаўладкаваны ўжо паўналетнія людзі. Яны працуюць выхавацелямі.
Ёсць хлопцы, якія ў студэнцкіх атрадах працуюць не першы год. Сярод іх — Паліна Сташкевіч.
— Я лічу, што гэта цудоўная магчымасць правесці свой вольны час з карысцю, — кажа дзяўчына. — Мы, як і летась, займаемся добраўпарадкаваннем горада: чысцім тратуарную плітку ад травы, падмятаем, полем кветкавыя клумбы. Праца не складаная, але прыкметная для кожнага гараджаніна.
Анастасія ПЛЯТНЁВА.
