Згодна з калектыўнай дамовай наймальнік пакрывае работнікам кошт абедаў. Ці з'яўляюцца аб'ектам для налічэння абавязковых страхавых узносаў названыя расходы наймальніка з улікам унесеных змяненняў у падпункт 9.1. пункта 9 Пераліку № 115?
Адказ.
Абавязковыя страхавыя ўзносы не налічваюцца на сумы сродкаў працадаўцы, якія накіроўваюцца (пакрываюцца) на (за), у тым ліку забеспячэнне работнікаў прадуктамі харчавання, набытымі для агульнага карыстання (падпункт 9.1 пункта 9 Пераліку выплат, на якія не налічваюцца ўзносы на дзяржаўнае сацыяльнае страхаванне, у тым ліку на прафесійнае пенсійнае страхаванне, у бюджэт дзяржаўнага пазабюджэтнага фонду сацыяльнай абароны насельніцтва Рэспублікі Беларусь і па абавязковым страхаванні ад няшчасных выпадкаў на вытворчасці і прафесійных захворванняў у Беларускае рэспубліканскае ўнітарнае страхавое прадпрыемства «Белдзяржстрах», устаноўлены пастановай Савета Міністраў ад 25.01.1999 № 115).
Улічваючы, што сума выдаткаў на кошт абедаў, якая кампенсуецца работнікам, персаніфікавана (кампенсуецца канкрэтнаму работніку), то гэты від панесеных расходаў не выключаецца з аб'екта для налічэння абавязковых страхавых узносаў.
Тэлефоны для даведак: 8 (0713) 35787, 35882, 60810, 35060, 35559, 60809.
Пухавіцкі раённы аддзел
Мінскага абласнога ўпраўлення Фонду сацыяльнай абароны насельніцтва