Спартыўнае арыентаванне, велатрыял, сплаў на байдарках, пешаходны турызм, а яшчэ конкурсы газет, дыскатэкі і мора прыемных зносін — усё гэта аб трох днях на турбазе ў Тальцы, праведзеных удзельнікамі 57-га раённага турыстычнага злёту школьнікаў.
Сёлета свае навыкі выжывання на прыродзе тэставалi 143 удзельнікі з 12 каманд.
Падрыхтаваны каманды былі дастаткова добра, таму адназначнага лідара ва ўсіх спаборніцтвах не было. Хтосці лепш арыентаваўся на мясцовасці, хтосці - пераадольваў водныя перашкоды, маляваў газеты і выконваў творчыя нумары. Так бывае заўсёды. І заўсёды з асобных маленькіх перамог складваецца агульны вынік і камандны поспех.
Сёлета лепшымі сталі юныя турысты з Мар'інагорскай гімназіі. Другое месца занялі вучні Зазерскай СШ, а трэцяе - Дукорскай СШ.
Алена Іванова.
