У Мар'інай Горцы прайшла патрыятычная акцыя «Памятаем»
Адначасова ва ўсіх ваенных мемарыялаў, размешчаных на тэрыторыі горада прайшлі мітынгі-рэквіемы з удзелам прадстаўнікоў грамадскіх арганізацый і школьнікаў.
Памяць камсамолкі-падпольшчыцы Любы Гайдучонак ушанавалі прадстаўнікі раённага аб'яднання прафсаюзаў, работнікі Пухавіцкага лясгаса і ААТ «Машхарчпрад», навучэнцы сярэдняй школы №4 горада Мар'іна Горка.
Удзельнікамі мітынгу, які прайшоў ля помніка воінам-вызваліцелям, партызанам і падпольшчыкам на прывакзальнай плошчы сталі члены раённай арганізацыі Рэспубліканскага грамадскага аб'яднання «Белая Русь», работнікі УП «Жылцепласэрвіс» КХ і інспекцыі Міністэрства па падатках і зборах Рэспублікі Беларусь па Пухавіцкім раёне, навучэнцы сярэдняй школы №2 горада Мар'іна Горка.
Да пастамента, на якім устаноўлена САУ-100, якая вызваляла наш горад, кветкі ўсклалі члены раённай ветэранскай арганізацыі, спецыялісты аддзела статыстыкі раённага выканаўчага камітэта, работнікі Пухавіцкага раёна газазабеспячэння філіяла «Слуцкгаз».
Мітынг-рэквіем ля магілы Героя Савецкага Саюза Васіля Токарава і магілы лётчыка Міхаіла Ермакова правялі члены раённай арганізацыі ГА «Беларуская рэспубліканская піянерская арганізацыя», работнікі ААТ «Пухавіцкі доследна-эксперыментальны завод», ААТ «Мар'інагорскі завод жалезабетонных вырабаў», навучэнцы сярэдняй школы №1 горада Мар'іна Горка.
Ля брацкай магілы воінаў-вызваліцеляў на Мар'інагорскіх могілках сабраліся прадстаўнікі раённай арганізацыі ГА «Беларускі рэспубліканскі саюз моладзі», навучэнцы Мар'інагорскага аграрна-тэхнічнага каледжа ім. В.Е. Лабанка.
Памяць ахвяр фашызму ля мемарыяльнага знака, усталяванага на вуліцы Кастрычніцкай ушанавалі прадстаўнікі ГА «Беларускі саюз афіцэраў», работнікі ваеннага камісарыята Пухавіцкага раёна.
Мітынг-рэквіем ля мемарыяла воінам-танкістам 8-га гвардзейскага танкавага корпуса правялі прадстаўнікі раённых арганізацый ГА «Беларускі фонд міру», ГА «Беларускі саюз ветэранаў вайны ў Афганістане», работнікі ДУА «Мар'інагорская дзіцячая школа мастацтваў», ГП «Пухавіцкі водаканал», навучэнцы сярэдняй школы №3 горада Мар'іна Горка.
У мемарыяльным комплексе «Алея Славы» даніну павагі воінам-вызваліцелям аддалі прадстаўнікі раённай арганізацыі «Беларускі саюз жанчын», ДУА «Мар'інагорская гімназія», УАЗ «Мар'інагорская цэнтральная раённая бальніца».
Наталля Пархомчык.
Фота Анастасіі ПЛЯТНЁВАЙ, Алесі Смірновай.
