Цырымонія звальнення ў запас ваеннаслужачых тэрміновай ваеннай службы, якія выслужылі ўстаноўленыя тэрміны, адбылася ў 5-й асобнай брыгадзе спецыяльнага прызначэння.
Воіны-спецназаўцы за перыяд службы асвоілі воінскія спецыяльнасці, паказалі высокія вынікі ў баявой падрыхтоўцы, сталі прыкладам для малодшых таварышаў. Са знамянальнай падзеяй іх павіншавалі камандзіры і ветэраны вайсковай часткі.
Лепшыя вайскоўцы з рук камандзіра брыгады палкоўніка Аляксея Хузяхметава атрымалі граматы, каштоўныя падарункі і Мерч Першага. Вайскоўцы, якія звальняюцца ў запас, вымавілі клятву спецназаўца.
Цырымонію развітання з піянерскім гальштукам сёння правялі на алеі воінскай славы. 60 піянераў дружыны імя Любы Гайдучонак сярэдняй школы № 1 горада Мар'іна Горка аддалі даніну павагі гальштуку чырвона-зялёнага колеру, які з гонарам насілі на працягу некалькіх гадоў. Узамен ім уручылі членскія білеты Беларускага рэспубліканскага саюза моладзі.
Алеся Смірнова.
