У рамках рэспубліканскага суботніка на брацкай магіле ў вёсцы Варшаўка, дзе ў гады Вялікай Айчыннай вайны нямецка-фашысцкімі захопнікамі было забіта больш за трыста савецкіх грамадзян, прайшоў мітынг-рэквіем з удзелам намесніка міністра адукацыі Рэспублікі Беларусь Рудога Сяргея Валянцінавіча, выхаванцаў Рудзенскай спецыяльнай школы інтэрната і каманды валанцёраў з рэспубліканскага валанцёрскага цэнтра і валанцёрскага клуба «СЛОН» БДУКМ.
Пасля мітынгу працоўны дэсант на чале з Сяргеем Валянцінавічам адправіўся ў Рудзенскую спецыяльную школу-інтэрнат, дзе будзе праводзіць работы па ўборцы тэрыторыі ўстановы, рамонце будынкаў на гульнявых пляцоўках, пасадцы кветак і сельскагаспадарчых культур.
Перад пачаткам работ для гасцей была праведзена аглядная экскурсія па ўстанове.
Станіслаў Белавусаў.
