У сярэдняй школе №3 горада Мар'іна Горка адбылася дыялогавая пляцоўка «Беларусь і Расiя: гісторыя і развіццё Саюзнай дзяржавы»
На базе сярэдняй школы №3 горада Мар'іна Горка адбылася дыялогавая пляцоўка «Беларусь і Расія: гісторыя і развіццё Саюзнай дзяржавы» з навучэнцамі 10-11-х класаў.
Размаўляў з моладдзю старшыня Маладзёжнага парламента пры Пухавіцкім раённым савеце дэпутатаў Павел Шайтанаў.
У сваім выступленні спікер звярнуў увагу на рэалізацыю маладзёжнай палітыкі ў Беларусі, расказаў аб дзейнасці Маладзёжнага парламента, якое значэнне ён мае для моладзі, падкрэсліў найбольш значныя маладзёжныя ініцыятывы і мерапрыемствы, якія праводзяцца ў нашым раёне.
Падчас гутаркі хлопцы мелі магчымасць задаць пытанні, якія іх цікавяць. Школьнікаў цікавіла тое, як можна сачыць за дзейнасцю Маладзёжнага парламента, а таксама як самому стаць яго членам.
Абмеркавалі пытанні, якія тычацца гісторыі Беларусі і Расіі, важнасці захавання братэрства народаў, асноўных этапаў станаўлення Саюзнай дзяржавы, структуры і прынцыпаў работы органаў, якія рэгулююць яе дзейнасць. Удзельнікі дыялогу адзначылі значнасць сумесных маладзёжных праектаў, зыходзячы з якіх ажыццяўляецца ўзаемавыгаднае супрацоўніцтва двух народаў.
Дыялогавыя пляцоўкі пройдуць і ў іншых школах Пухавіцкага раёна.
Алеся СМІРНОВА
