У Праўдзінскім пасялковым выканаўчым камітэце прыём грамадзян правёў старшыня райвыканкама Андрэй Атрушкевіч.
Жыхары вёсак Кухараўка і Вараб'ёўка скардзіліся на нездавальняючы стан дарогі з гарадскога пасёлка Праўдзінскі ў вёску Азярычына. Аднак паколькі дарога лясная і з яе пакуль яшчэ не сышоў лёд, працы па падсыпцы і грэйдзіраванню рабіць нельга.
У Праўдзінскім па-ранейшаму самай праблемнай застаецца вуліца Гаражная.
Праблема дарог сёлета набыла асабліва востры характар. Скаргі ў ЖКГ і Пухавіцкі райвыканкам паступаюць са шматлікіх населеных пунктаў раёна.
Апынуўся на асабістым прыёме ў старшыні і жыхар Брэсцкай вобласці, які прыязджае ў наш раён рэалізоўваць плодаагароднінную прадукцыю ўласнай вытворчасці. Грамадзянін звярнуўся са скаргай на тое, што арэндадаўцы на рынку ў пасёлку Дружны не даюць яму магчымасці гандляваць. Фермер упэўнены, што гэта адбываецца з-за таго, што кошты ў яго ніжэйшыя, чым у астатніх прадаўцоў. Старшыня даў даручэнне спецыялістам УП «Жылцепласэрвіс» КХ забяспечыць арганізацыю гандлёвых месцаў на існуючых тэрыторыях у межах рынку пасёлка Дружны, а фермера запэўніў, што ён спакойна зможа прадоўжыць працаваць у Пухавіцкім раёне.
Станіслаў Белавусаў.