Конкурс праводзіцца штогод. Яго пераможцамі ў розныя гады станавіліся такія прадпрыемствы як ТАА "Белэкатэхніка", ЗАТ "Аўгуст-Бел", ААТ "Пухавічынафтапрадукт", а сярод сацыяльнай сферы — Цэнтр творчасці дзяцей і моладзі "Світанак", тэрытарыяльны цэнтр сацыяльнага абслугоўвання насельніцтва, сярэдняя школа №3 горада Мар'іна Горка.
Па выніках 2022 года сярод арганізацый вытворчай сферы дзейнасці першае месца ў ААТ "Завод горнага воску" (дырэктар Віктар Лукша), а сярод арганізацый невытворчай сферы дзейнасці лепшым прызнаны ДУА "Дзіцячы сад "Васілёк" пасёлка Дружны (загадчыца Таццяна Азалінь).
Усяго ў аглядзе-конкурсе ўдзельнічаў 51 аб'ект гаспадарання. Улічваліся такія паказчыкі як умовы працы, траўматызм, колькасць спецыялістаў па ахове працы, кабінет па ахове працы і выкананне плана мерапрыемстваў па ахове працы, расходаванне сродкаў па ахове працы на аднаго працоўнага, забяспечанасць работнікаў сродкамі індывідуальнай абароны згодна з нормамі.
- Але асноўным момантам усё ж з'яўляецца адсутнасць вытворчага траўматызму на вытворчасці, — адзначае галоўны спецыяліст аддзела працоўных адносін упраўлення па працы, занятасці і сацыяльнай абароне насельніцтва райвыканкама Анастасія Салавей.
Арганізацыя-пераможца ўзнагароджваецца грашовай прэміяй у памеры 20 базавых велічынь.
Анастасія Плятнёва.
