Больш за 60 гадоў, пачынаючы з моманту атрымання першай прадукцыі — тарфянога воску, ААТ «Завод горнага воску» займае стабільнае становішча на рынку прадукцыі нафтахімічнай галіны дзякуючы рэалізацыі праграм, накіраваных на рэканструкцыю вытворчай дзейнасці, пашырэння наменклатуры выпускаемай прадукцыі.
У 2016 годзе ААТ «Завод горнага воску» рэалізаваў інвестыцыйны праект «Будаўніцтва вытворчасці высокаачышчанага парафіна, алеяў, змазак, ЗАВ, мадэльных складаў з рэканструкцыяй энергетычнага комплексу». Рэалізацыя праекта па стварэнні сучаснай вытворчасці алеяў, змазак, ЗАВ і мадэльных складаў дазволіла пашырыць наменклатуру выпускаемай прадукцыі, павялічыць магутнасць дзеючых вытворчасцей і прапускную здольнасць складской гаспадаркі.
Дзякуючы высокай якасці вырабаў і адпаведнасці патрабаванням міжнародных стандартаў прадукцыя ААТ «Завод горнага воску» трывала замацавалася не толькі на беларускім, але і на замежным рынках. Высокай якасці вырабаў спрыяе пастаяннае развіццё тэхналогій, пільны кантроль і высокі прафесіяналізм супрацоўнікаў.
З мэтай адпаведнасці ўсім патрабаванням спажыўца, пазнавальнасці і прэстыжнасці сваёй прадукцыі, з 2015 года пухавіцкае прадпрыемства прымае ўдзел у рэспубліканскіх конкурсах.
Сёлета прадуктам ААТ «Завод горнага воску» воску мантажнаму і алеям рэдуктарным прысуджана званне лаўрэата конкурсу «Лепшыя тавары Рэспублікі Беларусь 2022 года» ў намінацыі «Прадукцыя вытворча-тэхнічнага прызначэння».
Акрамя гэтага, упершыню прадпрыемства было ўдастоена дадатковай узнагароды «Лепшы ў рэгіёне» ў намінацыі «Прадукцыя вытворча-тэхнічнага прызначэння». У цяперашні час лагатып конкурсу «Лепшыя тавары Рэспублікі Беларусь 2022 года» будзе размяшчацца на пашпарце якасці і маркіроўцы прадуктаў-лаўрэатаў конкурсу на працягу двух гадоў.
Вытворчасць воску мантажнага арганізавана ў 2008 годзе, і ААТ «Завод горнага воску» з'яўляецца адзіным вытворцам гэтага віду прадукцыі ў Беларусі.
Алеi редуктарныя пастаўлены на вытворчасць у 2015 годзе. Прадукты распрацаваны спецыялістамі даследчай лабараторыі ААТ «Завод горнага воску», запатрабаваныя на айчынным і замежным рынках. Мантажны воск прызначаны для выкарыстання ў шынамантажныя працах на станцыях тэхнічнага абслугоўвання. Редуктарныя алеi выпускаюцца пяці марак, якія адрозніваюцца па глейкасці. Вырабляюцца на аснове мінеральных алеяў з ужываннем высокаэфектыўных прысадак, якія забяспечваюць антыкаразійныя ўласцівасці, устойлівасць супраць старэння, зніжэнне зносу ў галіне паўсухога трэння.
- Алеi редуктарныя і воск мантажны выпускаюцца ў цэху мадэльных складаў, змазак і змазачна-ахаладжальных вадкасцяў. Якасць выпускаемай прадукцыі адсочваецца работнікамі аддзела тэхнічнага кантролю, - распавядае вядучы інжынер па стандартызацыі і сертыфікацыі Вікторыя Пасiчнюк. - Асноўнымі спажыўцамі рэдуктарных алеяў у Беларусі з'яўляюцца «Белшына», ААТ «Магілёўліфтмаш», ААТ «БМЗ» - кіруючая кампанія холдынгу «БМК» і іншыя прамысловыя прадпрыемствы.
ААТ «Завод горнага воску», як ніхто іншы, адчувае значнасць руху: вырабляючы змазачныя матэрыялы для бесперабойнай працы прамысловых механізмаў, займае актыўную пазіцыю ў дынамічна развіваемым бізнэсе і не мае права стаяць на месцы.
Алеся Смірнова.