Надвор'е было зусім не зімовае: увесь дзень ішоў то дождж то мокры снег. Але на свяце ніхто не заўважаў гэтага, таму што ўсе былі аб'яднаны спартыўным азартам: удзельнікі стараліся паказаць лепшы вынік, а гледачы — падтрымаць іх.
У мінулую суботу ў Раўбічах сабраліся лыжнікі з усёй Мінскай вобласці. Сёлета ў спаборніцтвах удзельнічалі каля 50 каманд. Сярод іх была і каманда Кіраўніка дзяржавы. Яна выступала па-за конкурсам.
ЦЫТАТА:
Аляксандр Лукашэнка:
- Лепш спаборніцтваў у Беларусі няма, чым наша аматарская традыцыйная лыжная гонка. Каб зразумець знутры гэта мерапрыемства, я вам раю ўстаць на лыжы і паспрабаваць пабегаць тут. Асабліва вось у такіх умовах ... Людзі ўбачылі, што гэтым трэба займацца — мы зімовая краіна! Вы бачыце, надвор'е мяняецца, на лыжах трэба хадзіць і за сабой цягаць дзяцей. Што я вам заўсёды дэманстраваў. Хай яны вучацца.
Следам за камандай Кіраўніка дзяржавы да фінішу прыйшла дружына Камітэта дзяржаўнага кантролю, якая стала афіцыйным пераможцам. На другім месцы размясціўся калектыў Нацыянальнага алімпійскага камітэта. А замкнула заліковую тройку лідараў прагрэсуючая ад года да года каманда Мінскага гарвыканкама.
У Раўбічах была арганізавана і культурна-забаўляльная праграма. Сваім музычным талентам парадаваў гледачоў спявак Тэа.
У выхадныя беларусы адзначалі Масленіцу, таму тут жа прайшлі масленічныя гулянні з гульнямі і конкурсамі. Можна было сагрэцца ў спецыяльна абсталяваных палатках, выпіць цёплай гарбаты.
Анастасія Мацвеева, галоўны спецыяліст сектара планавання і выканання бюджэту фінансавага аддзела Пухавіцкага райвыканкама:
- Мне вельмі спадабалася. Тут пануе непаўторная атмасфера. Свята атрымалася вельмі добрае. Абавязкова прыеду яшчэ, але ўжо з дзецьмі. Хай таксама акунуцца ў атмасферу радасці, спартыўнай рызыкі і добрых эмоцый.
Анастасія Плятнёва.