23 лютага ў Мар'інай Горцы прайшоў шэраг мерапрыемстваў, прысвечаных памяці нашага земляка, віцэ-адмірала Івана Хурса.
Супрацоўнікі раённага краязнаўчага музея правялі ўрок мужнасці для школьнікаў раёна, на якім прысутнічалі члены грамадскага аб'яднання «Беларускі саюз ваенных маракоў», Беларускага грамадскага аб'яднання «Ветэраны ваеннай разведкі».
Затым на вуліцы, якой рашэннем раённага Савета дэпутатаў прысвоена імя віцэ-адмірала Івана Хурса, ва ўрачыстай абстаноўцы быў адкрыты знак у яго гонар.
