У рамках акцыі «Бяспека ў кожны дом» і ў гонар святкавання рэспубліканскага дня нараджэння МААП юныя праваахоўнікі наведалі пажарную аварыйна-выратавальную частку №1 і міні-цэнтр бяспекі Пухавіцкага раённага аддзела па надзвычайных сітуацыях.
Пасля займальнай экскурсіі хлопцы і прадстаўнікі БРСМ былі запрошаны ў міні-цэнтр бяспекі на базе ДУДА «Світанак». Дзе спецыяліст сектара прапаганды і ўзаемадзеяння з грамадскасцю райаддзела па НС Ганна Васiльчык азнаёміла дзяцей з алгарытмам дзеянняў у розных надзвычайных сітуацыях і распавяла аб прычынах іх узнікнення. Пры дапамозе віртуальнай гульні школьнікі паспяхова ліквідавалі загаранне, тым самым адпрацавалі навыкі карыстання першаснымі сродкамі пажаратушэння.
Таксама ў цэнтры бяспекі ўстаноўлены манекен сардэчна-лёгачнай рэанімацыі, з дапамогай якога хлопцы асвойвалі правільнае аказанне першай даўрачэбнай дапамогі пацярпелым.
У памяшканні, уладкаваным пад імітацыю жылога дома, школьнікі змаглі азнаёміцца з правільным і няправільным выкананнем бяспечных умоў пражывання.
