Адна з немалаважных задач прафілактычнай работы - гэта зносіны з людзьмі. Галоўная задача - расказаць, растлумачыць, праінструктаваць грамадзян аб тым, як засцерагчы сябе і сваіх родных, сваё жыллё ад пажару. Бо самае галоўнае, каб у кожным доме было бяспечна!
З мэтай папярэджання пажараў і гібелі людзей ад іх, а таксама ў рамках акцыі «Бяспека ў кожны дом», работнікі Пухавіцкага раённага аддзела па надзвычайных сітуацыях абследавалі домаўладаннi шматдзетных і злоўжываючых грамадзян Навапольскага сельскага Савета.
Пры наведванні домаўладанняў прадстаўнікі МНС звярталі асаблівую ўвагу на пячное ацяпленне, эксплуатацыю электраабсталявання, а таксама на наяўнасць АПА. Работнікі раённага аддзела па НС давалі карысныя парады і рэкамендацыі пухаўчанам, а таксама ўручалі наглядна-выяўленчую прадукцыю ад МНС.
