25 студзеня ў Жодзіне прайшоў абласны этап рэспубліканскай інтэлектуальна-забаўляльнай гульні ГА «БРПА» «Піянерскі/акцябрацкі/маладзёжны квіз».
У інтэлектуальнай віктарыне прынялі ўдзел больш за 400 членаў БРПА і БРСМ Мінскай вобласці. Пухавіцкі раён прадставілі ў «Акцябрацкім квізе» каманда«О-Рэшкі» Дуброўскай сярэдняй школы, у «Піянерскім квізе» каманда «Імперыя» Дрычынскай базавай школы і ў «Маладзёжным квізе» каманда «Алімп» сярэдняй школы № 4 г.Мар'іна Горка.
Квіз ахопліваў пытанні па гісторыі Беларусі, народныя беларускія традыцыі і нацыянальныя брэнды. Усе хлопцы нашага раёна паказалі высокі ўзровень ведаў, навыкі працы ў камандзе.
Далей для дэлегацый была арганізавана насычаная праграма: «Піянерскі цiмбiлдынг», інтэрактыўныя гульні, майстар-класы, танцавальны флэшмоб і аквагрым. І ў завяршэнні мерапрыемства - яркае ўзнагароджанне пераможцаў квіза. Сярод іх - піянеры Дрычынскай базавай школы, якія занялі другое месца, саступіўшы камандзе-пераможцы з Валожына ўсяго 1 бал.
Віншуем хлопцаў і іх кіраўніка Плешавеню Віялету Юр'еўну з перамогай!
Алена Копцева,
старшыня раённай піянерскай арганізацыі