У рамках рэспубліканскай дабрачыннай акцыі «Ад усёй душы» ў піянерскай дружыне імя Мікалая Чэпіка ДУА «Блужская базавая школа імя М. Чэпіка» прайшла калядная сустрэча.
Педагагічны калектыў і актывісты піянерскай дружыны арганізавалі сустрэчу з настаўнікамі-ветэранамі, якія працавалі і працуюць у нашай установе адукацыі, — распавяла намеснік дырэктара па выхаваўчай рабоце Кацярына Нікагасян.
Гасцей павіншавалі Дзядуля Мароз і Снягурка, яны ўручылі невялікія падарункі, а таксама вучні падарылі ўсім прысутным танцавальныя нумары.
Сустрэча прайшла вельмі душэўна. Было прынята рашэнне, што падобныя сустрэчы стануць добрай традыцыяй.
Святлана Лабковіч.
