З просьбай дапамагчы ў вырашэнні пытання фінансавання да старшыні райвыканкама звярнуліся гульцы футбольнай каманды ФК «Вікторыя». У мінулым годзе каманда гуляла ў 2-ой лізе чэмпіянату Беларусі і заняла 4 месца, што забяспечыла ёй выхад у 1-ую лігу. Але каб заявіць аб сабе на такім сур'ёзным узроўні, патрэбны сур'ёзныя фінансы. Каманда шукае спонсараў, і просіць раённы выканаўчы камітэт дапамагчы ёй у гэтым.
Вырашыць пытанне са спрэчным участкам зямлі папрасіла жыхарка вёскі Вецярэвічы. Гаворка ішла аб гаспадарчым праездзе паміж дамамі, на які заявіла свае правы суседка. Андрэй Атрушкевіч даручыў адпаведным службам дэталёва разабрацца ў пытанні.
Жыхар вёскі Ясноўка паскардзіўся на тое, што камунальныя службы не чысцяць ад снегу дарогу да яго дома, які размешчаны ледзь у баку ад асноўнай вясковай вуліцы. Здзіўленне ў грамадзяніна выклікае і работа службы 115, дыспетчар якой на заяўку, паданую12 снежня, дала адказ, што работы будуць выкананы 4 студзеня. Андрэй Атрушкевіч даручыў УП «Жылцепласэрвіс» КХЛ дарогу, пра якую ішла гаворка, чысціць разам з асноўнай магістраллю, старшыні Голацкага сельсавета ўзяць выкананне работ пад свой кантроль.
Пытанне вулічнага асвятлення ў вёсцы Дайнова Навасёлкаўскага сельсавета, аграгарадку Амельна і вёсцы Сінча Дуброўскага сельсавета падняў жыхар горада Мар'іна Горка. Старшыня райвыканкама даў даручэнне спецыялістам Пухавіцкага РЭС разабрацца з праблемай у найбліжэйшыя тэрміны.
Наталля Пархомчык.
