Атрымліваць падарункі заўсёды вельмі прыемна. Асабліва радасна атрымліваць карысныя падарункі. Так, напярэдадні Новага года аўтапарк Пухавіцкага раённага аддзела па надзвычайных сітуацыях папоўніўся новым аўтамабілем. Ратавальнікі атрымалі новую пажарную аўтацыстэрну 5.0 - 40 ад Міністэрства па надзвычайных сітуацыях Рэспублікі Беларусь. Кабіна баявога разліку прызначана для 6 чалавек. Пажарная аўтацыстэрна месціць у сябе 5 тон вады і 300 літраў пенаўтваральніка, поўная маса аўтамабіля складае 16 900 кг. Новая аўтацыстэрна «адправіцца на дзяжурства» ў пажарны аварыйна-выратавальны пост № 12 вёскі Азярычына.
Святлана Лабковіч.