Прэзідэнт Беларусі Аляксандр Лукашэнка павіншаваў асабісты склад і ветэранаў 5-й асобнай брыгады спецыяльнага прызначэння з 60-годдзем з дня яе ўтварэння. Аб гэтым БЕЛТА паведамілі ў прэс-службе беларускага лідара.
Сфарміраваная ў пасляваенныя гады, гэта брыгада шматразова пацвярджала асаблівы статус вайсковай эліты, будучы адной з лепшых воінскіх частак спецназа ва Узброеных Сілах СССР, адзначыў кіраўнік дзяржавы. «На працягу ўсёй сваёй гісторыі брыгада вырашала важнейшыя задачы забеспячэння ваеннай бяспекі краіны, дэманструючы высокі прафесіяналізм, стойкасць, мужнасць, узаемадапамогу, беражліва захоўваючы і прымнажаючы вопыт многіх пакаленняў, — гаворыцца ў віншаванні. - Воіны славутай «Пяцёркі» і сёння ў самых няпростых умовах годна нясуць службу, абараняючы краіну і народ. Перакананы, што брыгада і надалей застанецца трывалым звяном у сістэме нацыянальнай абароны нашай дзяржавы, а кожны з вас — сапраўдным патрыётам і прыкладам выканання воінскага абавязку».
Аляксандр Лукашэнка пажадаў асабістаму складу і ветэранам 5-й асобнай брыгады спецназа моцнага здароўя, шчасця, дабрабыту і новых поспехаў у ратнай працы на карысць Айчыны, міру і дабра іх родным і блізкім.