У Рудзенскай спецыяльнай школе-інтэрнат прайшло навагодняе свята, у якім прынялі ўдзел намеснік Кіраўніка справамі Прэзідэнта Рэспублікі Беларусь Мікалай Рагашчук, дырэктар Дэпартамента па гуманітарнай дзейнасці Упраўлення справамі Прэзідэнта Рэспублікі Беларусь Ігар Кудрэвіч, старшыня Пухавіцкага раённага выканаўчага камітэта Андрэй Атрушкевіч.
Упраўленне справамі Прэзідэнта Рэспублікі Беларусь некалькі гадоў таму ўзяла шэфства над установай адукацыі. І, па традыцыі, прадстаўнікі ведамства шчыра цікавяцца справамі школы-інтэрната, а напярэдадні Новага года прыязджаюць сюды з падарункамі.
Гасцям правялі экскурсію па ўстанове адукацыі, расказалі аб дасягненнях дзяцей у спорце, прыкладных відах творчасці, іншых відах дзейнасці. А затым усіх чакала свята ля навагодняй ёлкі, на заканчэнне якога Мікалай Рагашчук і Андрэй Атрушкевіч уручылі яго маленькім удзельнікам салодкія падарункі.
Наталля Пархомчык.
