У наш час вялікая ўвага надаецца патрыячэскаму выхаванню падрастаючага пакалення. Адной з форм арганізацыі грамадзянска-патрыятычнага выхавання з'яўляецца стварэнне профільных класаў.
Так, напярэдадні прайшло ўрачыстае мерапрыемства прысвячэння навучэнцаў 5 «В» класа дзяржаўнай установы адукацыі «Сярэдняя школа №2 г. Мар'іна Горка» у вучні класа МНС. Гэта першы профільны клас МНС на базе гэтай установы адукацыі.
У мерапрыемстве прынялі ўдзел педагагічны склад школы, бацькі, а таксама работнікі Пухавіцкага раённага аддзела па надзвычайных сітуацыях.
Навучэнцы 5 «В» класа вымавілі ўрачыстую клятву. Яны паабяцалі быць сумленнымі, добрасумленнымі, шчыра любіць сваю Радзіму, высока несці гонар і годнасць вучня класа МНС, выхоўваць у сабе лепшыя якасці, паспяхова авалодваць ведамі, быць дастойнымі грамадзянамі Рэспублікі Беларусь.
Намеснік дырэктара па выхаваўчай рабоце Наталля Жабко ўручыла пасведчанні «навучэнец класа МНС». Пасля ўрачыстай часткі для дзяцей і бацькоў было арганізавана спартыўнае свята «Юны пажарны-выратавальнік». На спартыўным свяце работнікамі Пухавіцкага раённага аддзела па надзвычайных сітуацыях быў праведзены майстар-клас па надзяванні баявога адзення на час. Дзеці ўдзельнічалі ў актыўных і інтэлектуальных конкурсах.
Пухавіцкі РАНС.
