Мерапрыемства, прысвечанае Міжнароднаму дню памяці ахвяр генацыду, прайшло ва ўрочышчы Папова Горка ля аграгарадка Блонь.
Да самага вялікага ў нашым рэгіёне пахавання жыхароў раёна, якія загінулі ад рук карнікаў у 1941 годзе, прыйшлі дэпутаты мясцовых Саветаў дэпутатаў, прадстаўнікі грамадскіх арганізацый, навучэнскай моладзі, школьнікі. Тут адбыўся мітынг-рэквіем.
Аб генацыдзе беларускага народа гаварылі начальнік аддзела ідэалагічнай работы, культуры і па справах моладзі Пухавіцкага райвыканкама Алена Адамейка, выконваючы абавязкі пракурора раёна Ігар Цімафейчык, старшыня Блонскага сельвыканкама Алена Гнядзько. На брацкую магілу ляглі кветкі.
Тэкст: Наталля ПАРХОМЧЫК.
Фота: Станіслаў БЕЛАВУСАЎ.