Па выніках працы за 9 месяцаў па шэрагу паказчыкаў сацыяльна-эканамічнага развіцця раён не дацягнуў да ўзроўню мінулага года. Адстаём па тэмпах росту інвестыцый у асноўны капітал (у супастаўных цэнах), па вытворчасці валавой прадукцыі сельскай гаспадаркі, рознічным тавараабароце, аб'ёмах будаўніча-мантажных работ.
Намінальна налічаная сярэднямесячная заработная плата за студзень-верасень бягучага года ў параўнанні з адпаведным перыядам мінулага года павялічылася на 18,6 працэнта. У разрэзе асноўных відаў эканамічнай дзейнасці тэмп яе росту склаўся вышэй за прагнозны ва ўсіх сферах, за выключэннем будаўніцтва — 109 працэнтаў пры плане 109,3 працэнта. Рэальная заработная плата за студзень-верасень бягучага года ў параўнанні з адпаведным перыядам мінулага года вырасла на 2,5 працэнта.
! Па ўзроўні заработнай платы Пухавіцкі раён займае шостае месца сярод рэгіёнаў вобласці.
* Па выніках дзевяці месяцаў бягучага года тэмп росту сукупных паступленняў даходаў у бюджэт раёна склаў 118,9 працэнта пры плане 107,6 працэнта. Найбольшую ўдзельную вагу ў дадзеных паступленнях займае падаходны падатак — 85 працэнтаў. Назіраецца істотны тэмп росту адзінага падатку з індывідуальных прадпрымальнікаў і іншых фізічных асоб - 142,5 працэнта.
* За кошт усіх крыніц фінансавання за 9 месяцаў бягучага года ў раёне ўведзена ў эксплуатацыю 33948 квадратных метраў агульнай плошчы жылля: плошча індывідуальнага жылля складае 24 672 квадратныя метры, шматкватэрны жылы фонд — 9255 квадратных метраў. З выкарыстаннем электрычнай энергіі для мэт ацяплення, гарачага водазабеспячэння і прыгатавання ежы ўведзена ў эксплуатацыю 93391 квадратны метр жылля.
* У раёне выконваецца сацыяльны стандарт па забяспечанасці гандлёвай плошчай на 1000 чалавек насельніцтва: ёсць 649,3 квадратнага метра пры нарматыве 610 квадратных метраў.
За дзевяць месяцаў бягучага года ў раёне адкрыта 32 аб'екты гандлю і 2 аб'екты грамадскага харчавання.
Выручка ад рэалізацыі прадукцыі, тавараў, работ, паслуг у цэлым па раёне павялічылася ў параўнанні з аналагічным перыядам мінулага года на 10,2 працэнта.
Наталля ВАСІЛЬЕВА.
