26 лістапада ў Цэнтры творчасці дзяцей і моладзі «Світанак» адбыўся раённы этап рэспубліканскай патрыятычнай квэст-гульні «Па слядах перамогі...» для піянераў.
У фармаце займальнай і пазнавальнай гульні 8 каманд змагаліся ў ведах аб падзеях і фактах Вялікай Айчыннай вайны.
Атрымаўшы маршрутныя лісты, каманды праходзілі 5 кропак, на кожнай з якіх выконвалі цікавыя заданні: збіралі розныя віды вогнішчаў; праслухоўвалі і адгадвалі ваенныя песні; супастаўлялі фота палкаводцаў часоў Вялікай Айчыннай вайны і іх біяграфіі; адказвалі на пытанні піянерскага квіза. На апошнім пункце з фрагментаў QR-кода, якія хлопцы атрымалі пры праходжанні маршруту, неабходна было сабраць суцэльную карцінку QR-кода, прасканаваць яго і выканаць заданне, якое было абвешчана ў відэа-пасланні ад старшыні Цэнтральнага савета ГА «БРПА» Аляксандры Ганчаровай.
Пераможцам квэст-гульні «Па слядах Перамогі...» стала каманда «Пераправа» ДУА «Сярэдняя школа №4 г.Мар'іна Горка», другое месца заняла каманда «Вогнішча» ДУА «Сярэдняя школа №1 пас. Дружны», трэцяе месца ў каманды «Факел» ДУА «Дрычынская базавая школа».
Мерапрыемства было прымеркавана да Года гістарычнай памяці і накіравана на фарміраванне ў членаў ГА «БРПА» ўсвядомленага стаўлення да Айчыны.
Алена Копцева, старшыня раённай піянерскай арганізацыі.
