Сутнасць праекта простая: калектывы ўстаноў адукацыі, школьнікі, педагогі дапамагаюць жыхарам сваёй малой радзімы. Добрыя справы яны прысвячаюць юбілею ўтварэння Мінскай вобласці, а памятныя фота выкладваюць у Інстаграм з хэштэгам #85добрыхделМинщине.
Падключыліся да акцыі і валанцёры атрада «БРСМ» «Добрае сэрца». На гэты раз хлопцы адгукнуліся на зварот 82-гадовага жыхара пасёлка Мар'іна. Ён пражывае ў прыватным сэктары. Валанцёры дапамаглі яму разабраць старыя пабудовы на тэрыторыі ўчастка, якія не выкарыстоўваюцца. У адказ яны пачулі шчырыя словы падзякі за аказаную дапамогу.
Добрыя справы нашых маладых землякоў працягваюцца. Валанцёры руху БРСМ «Добрае сэрца» гатовы прыйсці на дапамогу ветэранам Вялікай Айчыннай вайны, інвалідам, пажылым людзям, самотна пражываючым, і іншым грамадзянам, якія маюць патрэбу ў дапамозе. Звярнуцца можна па тэлефоне 3-40-30.
Алеся ГВАРДЗIЯН.