Планавую зверку ўліковых звестак ваеннаабавязаных правядуць у Беларусі. Пра гэта БЕЛТА паведамілі ў Міністэрстве абароны.
Штогод органы, якія вядуць ваенна-уліковую працу, у планавым парадку праводзяць зверкі ўліковых дадзеных ваеннаабавязаных з мэтай своечасовага ўнясення змен. Гэтыя мерапрыемствы прадугледжаны дзеючай дзяржаўнай сістэмай воінскага ўліку.
Па даручэнні Прэзідэнта праводзіцца праверка, падчас якой грамадзяне выклікаюцца для зверкі наяўных дадзеных шляхам асабістых зносін з імі па месцы працы ці вучобы, а таксама па месцы жыхарства ў мясцовых органах улады і ваенных камісарыятах. Пры гэтым выклік для размовы праводзіцца ў працоўным парадку па тэлефоне і позвамі. Мерапрыемствы ваенна-уліковай работы маюць выключна планавы характар. Іх завяршэнне плануецца да канца гэтага года.
Міністэрства абароны звяртае ўвагу, што ў Беларусі мабілізацыйныя мерапрыемствы не праводзяцца.