Сёння, на базе ДУК «Пухавіцкая цэнтральная раённая бібліятэка» прайшло ўрачыстае мерапрыемства «Матчына шчасце», прысвечанае Дню маці. Удзельнікамі мерапрыемства былі ветэраны працы, якія падзяліліся цікавымі жыццёвымі момантамі. Старшыня Пухавіцкай раённай арганізацыі ветэранаў Ганна Аляксандраўна Сабалеўская павіншавала ветэранаў з Днём маці, пажадала ўсім добрага здароўя, цудоўнага настрою і актыўнага даўгалецця. Марыя Зубенка, ветэран працы Пухавіцкага райспажыўтаварыства, выступіла перад прысутнымі з музычнымі нумарамі. Таксама ўдзельнікаў мерапрыемства павіншавалі старшыня Пухавіцкага раённага аб'яднання прафсаюзаў Людміла Гулякевіч і старшыня Пухавіцкага раённага аб'яднання Беларускага таварыства Чырвонага Крыжа Тамара Каланцова. Яны ўручылі прысутным памятныя сувеніры, салодкія пачастункі і пажадалі доўгіх, плённых гадоў жыцця. Удзельнікі свята з задавальненнем пачаставаліся смачным пірагом ад раённай арганізацыі ветэранаў. Мерапрыемства прайшло ў вельмі сяброўскай абстаноўцы - па-сямейнаму.