7 кастрычніка ДУА «Яслі-сад «Васілёк» п. Дружны» адзначыў свой першы дзень нараджэння.
Для выхаванцаў садка прайшла музычна-гульнявая праграма, сюрпрызам стала паменшаная копія нашага дзіцячага садка «Васілёк», каля якой дзеткі спявалі песенькі і вадзілі карагоды. Для калектыву дзіцячага яслі-сада адбыўся канцэрт, у рамках якога выхавальнікі груп і спецыялісты выканалі песню «Наш Васілёк, наш сад прыгожы».
Прайшоў год, выпусціліся нашы першыя выпускнікі, мяняецца ўсё вакол, а разам з тым змяняецца і расквітае наш дзіцячы сад. Выхавальнікі дзіцячага сада знаходзяць дарожку ў душу кожнага дзіцяці, кухары імкнуцца дагадзіць смачным і карысным пачастункам, музычны кіраўнік — раскрыць творчы патэнцыял, і кожны, хто працуе ў нас, укладвае часцінку сваёй душы ў сваю працу. Вынікам зладжанай добрасумленнай працы з'яўляюцца шматлікія ўдзячныя водгукі бацькоў, упэўненых, што іх дзетак любяць і кожную раніцу чакаюць з нецярпеннем!
Дзіцячы сад - гэта краіна дзяцінства, дзе заўсёды пануюць радасць, дзіцячы смех і весялосць. Хай жа і ў нашым дзіцячым садзе смех і радасць стануць пастаяннымі жыхарамі.
Ю. А. Лепяшко