У Пухавіцкім раёне ў рамках Адзінага дня бяспекі з мэтай абараніць людзей ад небяспекі, зберагчы іх жыццё і здароўе, неабходнасцю рэгулярна папаўняць іх багаж карысных ведаў, своечасова нагадваць найважнейшыя правілы бяспечных паводзін, раённы аддзел па надзвычайных сітуацыях сумесна з іншымі суб'ектамі прафілактыкі правялі мерапрыемства на базе ЗАТ «Аўгуст-Бел».
У задачы мерапрыемства ўваходзіла прафілактыка надзвычайных сітуацый, правапарушэнняў і злачынстваў, навучанне паводзінам ва ўмовах пажараў і іншых надзвычайных сітуацый, аказанні першай медыцынскай дапамогі, а таксама адпрацоўка плана эвакуацыі рабочым персаналам завода.
На тэрыторыі найбуйнейшага прадпрыемства ЗАТ «Аўгуст-Бел» была арганізавана работа інтэрактыўных пляцовак МНС, МУС, РЭС, газавай службы і хуткай медыцынскай дапамогі. Урачыста адкрыў дадзенае мерапрыемства інжынер сектара арганізацыі функцыянавання дзяржаўнай сістэмы папярэджання і ліквідацый надзвычайных сітуацый Пухавіцкага РАНС Яўген Ласіца, які распавёў пра Адзіны дзень бяспекі, пра тое, наколькі важна ведаць і выконваць правілы бяспекі, нагадаў нумары тэлефонаў службы выратавання 101 і 112, іншых служб экстранага выкліку. Пасля чаго запрасіў усіх прысутных да навучальных пляцовак.