Не ведаючы мінулага, мы ніколі не пабудуем будучыні. Для моладзі вельмі важна памятаць гісторыю сваёй краіны і перадаваць яе з пакалення ў пакаленне. Таму ў рамках акцыі «Усе разам — мы Беларусь», у Пухавіцкай раённай арганізацыі ветэранаў адбылася дыялогавая пляцоўка, прымеркаваная да Дня народнага адзінства.
Яе ўдзельнікамі сталі прадстаўнікі прэзідыума Савета ветэранаў і Бюро Пухавіцкай раённай арганізацыі грамадскага аб'яднання «Беларускі рэспубліканскі саюз моладзі». У фармаце адкрытага дыялогу абмяркоўваліся пытанні аб значэнні Дня народнага адзінства, важнасці захавання гістарычнай спадчыны і культуры народа.
Аб перадумовах правядзення Дня народнага адзінства менавіта ў дзень 17 верасня, аб значэнні гэтай даты ў гісторыі нашай Беларусі падзялілася Наталля Пархомчык, галоўны рэдактар ГУ «Рэдакцыя газеты «Пухавіцкія навіны». Яна распавяла ўдзельнікам пра шлях станаўлення беларускай дзяржаўнасці, паказала гістарычныя дакументы з архіва сваёй сям'і і адказала на цікавячыя пытанні.
Акрамя асноўнага дакладчыка, удзельнікі дыялогавай пляцоўкі зрабілі акцэнт на каштоўнасці адзінства народа і падзяліліся гісторыямі пра «польскі» час, якія захоўвалiся ў іх сем'ях.
Цяпер важна падрыхтаваць моладзь і заахвоціць прадстаўнікоў усіх пакаленняў да актыўнай грамадзянскай пазіцыі, у якой веды і жыццёвы вопыт злучаюцца з грамадзянскім абавязкам і адказнасцю за сваю краіну.
Алеся Смірнова.