Сельскагаспадарчую прадукцыю, прадукцыю мясаперапрацоўчай і малочнай галіны, угнаенні, насенне, пасадачны матэрыял можна будзе набыць на сельскагаспадарчых кірмашах, сезон якіх у раёне стартуе з 17 верасня. Як паведамілі ў аддзеле эканомікі райвыканкама, адпаведнае распараджэнне падпісана старшынёй раённага выканаўчага камітэта.
У Мар'інай Горцы кірмашы пройдуць на пляцоўцы ТАА «Цэнтр падрыхтоўкі «Аўгур» па вуліцы Кастрычніцкая 17 і 24 верасня, 1, 8, 15, 22 і 29 кастрычніка, 5 і 12 лістапада.
У гарадскім пасёлку Свіслач кірмашы размесцяцца на цэнтральнай плошчы па вуліцы Партызанская 17 верасня, 1, 15 і 29 кастрычніка, 12 лістапада.
У пасёлку Дружны месцам правядзення кірмашоў стане рынак. Яны будуць працаваць 24 верасня, 22 кастрычніка, 5 лістапада.
У гарадскім пасёлку Рудзенск кірмаш пройдзе 8 кастрычніка на вуліцы Першамайская.
У гарадскім пасёлку Праўдзінскі кірмаш будзе працаваць 15 кастрычніка на вуліцы Юбілейная каля Дома культуры.
Наталля ПАРХОМЧЫК.
