Сёння ў рамках сацыяльнага праекта Прэзідэнцкага спартыўнага клуба і Мінскага абласнога выканаўчага камітэта па падтрымцы спорту і здаровага ладу жыцця «Спорт для ўсіх» у пасёлку Дружны адкрылася спартыўная пляцоўка.
Для далучэння моладзі і людзей старэйшага ўзросту да здаровага ладу жыцця і занятку спортам, — адзначыў падчас урачыстага адкрыцця спартыўнай пляцоўкі начальнік галоўнага ўпраўлення па спорце і турызме Мінскага аблвыканкама Яўген Булойчык. - У Мінскай вобласці ўжо ўведзена ў строй 14 такіх сучасных спартыўных аб'ектаў, пабудаваных па праграме «Спорт для ўсіх». Да канца верасня падобныя паркі здаровага ладу жыцця будуць адкрыты ва ўсіх раёнах Міншчыны.
Стаць зонай прыцягнення людзей розных узростаў пажадала новаму спартыўнаму аб'екту і намеснік старшыні Пухавіцкага райвыканкама Наталля Чарнышова.
Урачыстае адкрыццё суправаджалася тэатралізаваным прадстаўленнем, паказальнымі выступленнямі юных і дарослых спартсменаў. А затым пляцоўка запоўнілася жадаючымі скарыстацца ўсталяванымі тут трэнажорамі, турнікамі, камфортнымі магчымасцямі займацца рознымі відамі спорту.
Андрэй Мазанік.
