У сельгасфіліяле «Светлая ніва» восеньскую сяўбу пачалі ў апошні дзень лета. Ужо паспелі пасеяць 220 гектараў азімай пшаніцы. Усяго неабходна пасеяць 657 гектараў азімых культур.
— Гэта больш, чым летась, — ад-значае дырэктар сельгаспрадпрыемства «Светлая ніва» Вадзім Сокал. — Азімыя даюць добрую ўраджайнасць (сёлета некаторыя ўчасткі ячменю далі па 52 цэнтнеры з гектара) і вызваляюць час вясной для правядзення іншых работ на полі.
Асаблівасць сяўбы у гэтым годзе — вельмі сухая глеба. Аднак нягледзячы на гэта ў сельгасфіліяле плануюць правесці адну з галоўных сельгаскампаній у сціслыя тэрміны і пры захаванні ўсіх тэхналагічных патрабаванняў.
Анастасія ПЛЯТНЁВА.
