Збожжавыя і зернебабовыя ўбраны з плошчы 25637 гектараў. Валавы збор зерня склаў 97428 тон пры сярэдняй ураджайнасці 38 цэнтнераў з гектара. Лідзіруюць па намалотах СУП “Дукора-Агра”, КСУП “Голацк”, “Агра-Абярэг”, “Індустрыя-СГ”. Напрыклад, у СУП “Дукора-Агра” сабралі 14822 тоны збожжа, а сярэдняя ўраджайнасць склала 50 цэнтнераў з гектара. У КСУП “Голацк” атрымалі 11420 тон. І тут з кожнага гектара атрымалі 48 цэнтнераў збожжа.
Сёлета надвор’е было вельмі спрыяльным для ўборачнай кампаніі. Практычна не было затрымак з-за дажджоў. Уборачны канвеер працаваў бесперапынна, і гэта дазволіла завершыць жніво ў сціслыя тэрміны і без страт. І, канешне, немалаважную ролю адыграла добра падрыхтаваная да ўборкі тэхніка, зернесушыльная гаспадарка. Таму зерне з поля адразу ж дапрацоў-валася.
Жніво назвала сваіх лідараў. Пяць экіпажаў камбайнераў намалацілі больш за 2 тысячы тон збожжа. Сярод лідараў — тры камбайнера з СУП “Дукора-Агра”: Мікалай Крукоўскі, Уладзімір Хвастоў, Міхаіл Грышук. З КСУП “Індустрыя-СГ” — Дзяніс Манюк і Аляксей Бамбізаў, з КСУП “Голацк” — Аляксандр Расолька і Міхаіл Комар. 39 экіпажаў камбайнераў намалацілі больш за тысячу тон збожжа. Восем вадзіцеляў перавезлі ад камбайнаў па дзве тысячы тон і болей, і 14 вадзіцеляў — больш за тысячу тон збожжа.
Анастасія ПЛЯТНЁВА.