«Зажынкі»
Прыгожым народным абрадавым святам «Зажынкі» сустрэлі хлебаробы КСУП «Індустрыя-СГ» самую адказную пару — уборку ўраджаю. Цяпер галоўная задача — правесці жніво якасна і хутка.
Ансамбль народнай песні «Свята».
Каб ураджай быў багатым, а яго ўборка прайшла лёгка, нашы продкі перад пачаткам жніва ладзілі прыгожае свята. Першы сноп упрыгожвалі стужкамі, кветкамі, з песнямі неслі ў хату і ставілі ў чырвоным куце пад абразамі.
Спецыяліст па ідэалагічнай рабоце КСУП «Індустрыя-СГ» Надзея Салоха павіншавала камбайнераў і вадзіцеляў з пачаткам уборачнай кампаніі і пажадала ўсім яе ўдзельнікам моцнага здароўя і сіл, каб тэхніка не падводзіла і спадарожнічала надвор’е. А ансамбль народнай песні «Свята» Турынскага сельскага Дома культуры падрыхтаваў для ўдзельнікаў жніва канцэртную праграму «Славім песняю сваёй жніво залатое».
Анастасія ГЛЕБАВА.