На базе вайсковай часткі №89417 пачаў працу ваенна-патрыятычны лагер «Прызыўнік» для навучэнцаў Магілёўскага ГСПТУ №2 дрэваапрацоўкі. Хлопцы з гэтай навучальнай установы летнюю лагерную змену разам з вайскоўцамі знакамітай часткі праводзяць ужо трэці год запар.
28 ліпеня ў лагеры сустракалі ганаровых гасцей. Тут пабывалі Міністр адукацыі Рэспублікі Беларусь Андрэй Іванец, памочнік міністра абароны па ідэалагічнай рабоце ва Узброеных Сілах - начальнік галоўнага ўпраўлення ідэалагічнай работы Міністэрства абароны Рэспублікі Беларусь генерал-маёр Леанід Касінскі, намеснік камандуючага — начальнік аддзела ідэалагічнай работы камандавання сіл спецыяльных аперацый Узброеных Сіл Рэспублікі Беларусь палкоўнік Вадзім Лукашэвіч, старшыня раённага выканаўчага камітэта Андрэй Атрушкевіч, намеснік старшыні райвыканкама Наталля Чарнышова, ваенны камісар Пухавіцкага раёна Кірыл Бараноўскі і іншыя.
Гасцям распавялі, як жывуць, трэніруюцца і адпачываюць хлопцы, прадэманстравалі ўзоры ўзбраення, экіпіроўкі вайскоўцаў, пазнаёмілі з ваеннай тэхнікай.
Наталля Пархомчык.