Сезон збору грыбоў ужо ў поўным разгары. Грыбнікі «палююць» на грыбы, а ратавальнікі гойсаюць у пошуках грыбнікоў. Таму ратавальнікі Пухавіцкага раённага аддзела па надзвычайных сітуацыях рэкамендуюць аматарам збору грыбоў выконваць неабходныя нормы бяспекі. Далей падрабязна разбяром як напоўніўшы кошык грыбамі, шчасна выбрацца з лесу.
У першую чаргу неабходна папярэдзіць сваіх блізкіх аб маючым адбыцца паходзе ў лес, паказаўшы арыентыровачна месца знаходжання.
Перад выхадам патрабуецца даведацца прагноз надвор'я. Пры неспрыяльных пагодных умовах збор грыбоў варта адкласці. З сабой варта ўзяць зараджаны мабільны тэлефон, назапасіцца вадой і ежай. Варта прыхапіць нож, пачак запалак, папярэдне паклаўшы туды, дзе ён не змакрэе, і гадзіннiк, які дапаможа арыентавацца ў лесе, як па компасе і не губляць самавалодання.
Пры наяўнасці хранічных захворванняў з сабой абавязкова патрабуецца ўзяць неабходны набор медыкаментаў.
Пры выбары адзення, варта аддаць перавагу яркім колерам, якія дапамогуць знайсці вас сярод лясных масіваў. Выдатна, калі на вопратцы будуць прысутнічаць святлоадбівальнікі. Таксама хочацца адзначыць, што «паходны касцюм» павінен закрываць цела цалкам, каб пазбегнуць парэзаў, драпін і ўкусаў насякомых, а таксама змей.
Галоўнае правіла пры любым становішчы спраў - не панікаваць. Калі вы згубіліся ў лесе, спыніцеся і ацаніце абстаноўку: як далёка вы маглі сысці ад людзей, ці не чуваць крыкаў, шуму машын або брэху сабак. Менавіта гэтыя гукі могуць стаць для згубiўшагася вырашальнымі і дапамагчы выбрацца з цяжкай сітуацыі.
Пры магчымасці адразу звяжыцеся са ратавальнымі службамі па нумарах: «101» або «112» - адзіны нумар выратавання.
Калі вы згубіліся і ўпэўнены, што ў бліжэйшы час пачнуцца вашы пошукі, то застаньцеся на месцы і развядзіце вогнішча. Яно дапаможа сагрэцца, адпудзіць дзікіх звяроў і дапаможа ратавальнікам хутчэй вас выявіць. Тым самым вы не станеце аддаляцца ад супрацоўнікаў пошукава-ратавальных служб.
Калі старанна прадумаць свой паход, можна зберагчы сябе ад бяды. Выконвайце правілы бяспечных паводзін у лесе.
