У актавай зале ДУДА «Світанак» Пухавіцкага раёна для работнікаў МНС прайшло мерапрыемства, прысвечанае Дню пажарнай службы.
Міністэрства па надзвычайных сітуацыях годна працягвае слаўныя традыцыі, пацвярджаючы той факт, што няма справы больш высакароднай і важней, чым абараніць чалавека ад агню і бед. Перад пачаткам цырымоніі ўзнагароджання ўвазе ўсіх прысутных быў прадэманстраваны відэафільм аб гісторыі стварэння пажарнай службы Рэспублікі Беларусь.
Падчас мерапрыемства лепшыя ратавальнікі Пухавіцкага раённага аддзела па надзвычайных сітуацыях былі ўзнагароджаны за дасягненне высокіх вынікаў у службовай дзейнасці, узорнае выкананне службовых абавязкаў, праява прафесійнай ініцыятывы, забеспячэнне высокай эфектыўнасці працы.
Начальнік аддзела Аляксей Несцяровіч павіншаваў усіх прысутных з прафесійным святам. А таксама ўручыў ратавальнікам Пухавіцкага РАНС падзякі, ганаровыя граматы, памятныя нагрудныя знакі «165 год пажарнай службе».
