Штогод 25 ліпеня ў Беларусі адзначаецца Дзень пажарнай службы. Падзея зацверджана ўказам кіраўніка дзяржавы 11 верасня 1998 года.
Пухавіцкі РАНС запрашае жыхароў раёна падзяліць з ратавальнікамі іх прафесійнае свята.
Святочнае мерапрыемства адбудзецца ў парку ім. Л. Гайдучонак г. Мар'іна горка 23 ліпеня 2022 года ў 11.00. Госці свята ўбачаць выставу пажарнай і аварыйна-выратавальнай тэхнікі: аўтакаленісты пад'ёмнік, аўтацыстэрны, аўтамабіль высокай праходнасці для язды па бездаражы «Багі», а таксама змогуць адчуць сябе сапраўднымі ратавальнікамі прымяраўшы на сябе баявую вопратку пажарнага і наведаўшы кабіну пажарнай машыны.
Акрамя таго, у раённым парку пройдуць конкурсы, гульні, інтэрактыўныя пляцоўкі на пажарную тэматыку. А таксама гасцей чакае ўдзел у праходжанні перашкоды трэніровачнага комплекса «Дымавы лабірынт». Роставыя лялькі «Спасiк» і «Маршал». Акунуўшыся ў атмасферу свята для ўсіх гасцей народны ансамбль «Асалода» прадставіць свой канцэрт.
