У Год гістарычнай памяці раённы выканаўчы камітэт звярнуўся да прадпрыемстваў прыватнай формы ўласнасці, індывідуальных прадпрымальнікаў з прапановай паўдзельнічаць у добраўпарадкаванні помнікаў, прысвечаных значным гістарычным падзеям, воінскіх пахаванняў. Ідэя была падтрымана. Да ініцыятывы далучаецца ўсё больш неабыякавых людзей.
Напярэдадні Дня незалежнасці cпіс прыведзеных у парадак памятных месцаў папоўніўся новымі аб'ектамі.
Прыватнае гандлёва-транспартнае прадпрыемства «ЭлітТАДАсэрвіс» правяло добраўпарадкаванне брацкай магілы на могілках у вёсцы Сетча.
Таварыства з абмежаванай адказнасцю «МантажIзалітСэрвіс» рэстаўравала помнік сялянам, якія прымалі ўдзел у паўстанні 1905-1907 гадоў у вёсцы Сетча.
БЫЛО
Таварыства з абмежаванай адказнасцю «Пухавіцкае МПМК-14» прывяло ў парадак магілу Б. I. Сцефанцова на могілках у вёсцы Вялень.
СТАЛА